احابه اشاركم في مدونتي استخدامي لحبوب الزيراكتان ,,انا وسبق ونزلت موضوع كامل عن الحبوب ودواعي استخدامها واثارها الجانبيه ,,,
انا عندي حبوب دهنيه وحكه شديده بفروة شعري ويتسااااقط حيييل ,,وحبوب بوجهي بس الحمدلله موكثيره كنت اخذ مضاد كل ست شهور وشامبو طبي ومراهم كنت اتحسن بس موكثير تبقى اثار الحبوب بوجهي صار لي فتره طويله وانا على هالحال الى ان صار وجهي مررره تعبان وكثرت الحبوب ,
,المهم قالت لي اختي جربي حبوب الروكتان (شكل وجهي كان مرره يخررع )*_*
قلت خليني اجربها لان مابقى شي ماجربته هههههههه مارواي شي
رحت لدكتوره بمستشفى حكومي مرررره حبوووبه وقلت لها عن بشرتي وابغى حبوب الروكتان وعلى طول قالت الدكتورة اوكيه بس لازم تسوين تحليل دم وسالتني عن وزني وطولي واذا عندي حساسيه من أي دواء ,,قلت :لا الحمدلله ماعندي أي حساسيه من أي دواء بس عندي اكزيما المهم سويت تحليل ثاني يوم ,,واليوم اللي بعده رجعت لها عنشان تشوف نتيجة التحليل وقالت الحمدلله النتيجه زينه بعطيك الحين زيراكتان 20 جرام وبعد شهر اتسوين تحليل عشان اشوفك بعد شهر
أعطتني قطره للعين ومرهم للوجه مافيه أي ريحه يشبه الجل يعني ماتشربه البشره عادي ..اول اسبوع من اكلت الدواء سبب لي امساك فغيرت اكلي صرت اقلل من الخبز والرز والمكرونه (اكلتي الممممفضله هههههه) ,,صرت اكثر سلطه يوميا وعصيرات واشرب ماء كثثثثثثثثثثثثثييير لانه هو اهم شي ,,,الاسبوع الثاني الحمدلله الحبوب اللي بفروة شعري نشفت وبدت تتقشر وخفت الحكه طبعا استخدم شامبو طبي خالي من العطور اشتريته من الصيدليه والدكتوره بعد وصفت لي شامبو ,,,الاسبوع الثاني شفايفي صارت ناشفه بس مو حييل ووجهي خفت اللمعه اللي دايم معقدتني لان بشرتي دهنييييه ولاحظت حتى بشرتي تنشف وكنت ارطبها بكريمات دااايمآ,,
الاسبوع الثالث اختفت تقريبا الحبوب بس باقي اثارها مومشكله لان بعد مااخلص مدة العلاج ان شاءالله باخذ كريمات تخفي اثار الحبوب او اسوي تقشير,,, وشفايفي نشششششفت والحل هو الفازلين على طول ارطبها 24ساعه وعيوني بديت احسها تنشف مع اني مالبس عدسات ابدا بس يمكن من شغلي بالكروشيه لازم تركيز ,,القطره استخدمها 4مرات في اليوم او على حسب نشوفت عيوني
ألآم بالمفاصل الحمدلله بس اول اسبوع وكانت مو حيل تالمني كنت اسوي رياضه امشي ربع ساعه باليوم واشرب حليب والصداع ابدا ماجاني لان قرات تجارب لبنات كان يجيهم صداع ..
انا الحين في الاسبوع الثالث لقيت تحسن الحمدلله لشعري ولبشرتي وبعد العيد عندي موعد مع الدكتوره وبشوف ايش راح تقولي .
وووبس اذا في أي سؤال انا حاضره لتعم الفائده للجميع ..
ليست هناك تعليقات:
إرسال تعليق